«Oziq ovqat mahsulotlari xavfsizligi boʻyicha bozorlarda oʻtkazilayotgan tadbirlar».
🛡️Bozorlarda xavfsizlik qanday ta’minlanadi?
Har bir bozorda maxsus veterinariya-sanitariya ekspertiza laboratoriyalari faoliyat yuritadi.Ular quyidagi asosiy vazifalarni bajaradi:
📌Go‘sht mahsulotlari nazorati:
Sotuvga chiqarilayotgan go‘shtlarning “muhri” borligi va tegishli hujjatlari tekshiriladi.
📌Sut va poliz ekinlari:
Mahsulot tarkibidagi nitratlar miqdori va mikrobiologik ko‘rsatkichlar laboratoriya tahlilidan o‘tkaziladi.
📌Muddati o‘tgan mahsulotlar:
Qadoqlangan oziq-ovqatlarning saqlash muddati va yaroqlilik darajasi muntazam ko‘zdan kechiriladi.
✅ Iste’molchi sifatida nimaga e’tibor berish kerak?
Xarid davomida nafaqat nazoratchilar, balki biz ham hushyor bo‘lishimiz lozim:
📌Sotish sharoiti:
Tezyurar mahsulotlar (sut, go‘sht, kolbasa) maxsus sovutgichlarda saqlanayotganiga ishonch hosil qiling.
📌Hujjat so‘rash huquqi:
Shubhali tuyulgan mahsulotning laboratoriya xulosasini sotuvchidan talab qilishga haqlisiz.
📌Tashqi ko‘rinish:
Meva va sabzavotlarning haddan tashqari “yaltiroqligi” yoki g‘ayritabiiy kattaligi ularda kimyoviy o‘g‘itlar ko‘pligidan dalolat berishi mumkin.
⚠️ Noqonuniy savdodan ehtiyot bo‘ling!
Belgilanmagan joylarda, ya’ni ko‘cha chetida, yerda yoki sanitariya talablariga javob bermaydigan sharoitda sotilayotgan mahsulotlarni xarid qilish o‘ta xavfli.Bunday mahsulotlar hech qanday laboratoriya tekshiruvidan o‘tmaydi va zaharlanish xavfini yuzaga keltiradi.
Eslatma:Agar bozorda sifatsiz mahsulotga duch kelsangiz, darhol bozor ma’muriyatiga yoki sanitariya-epidemiologiya xizmati bo‘limlariga murojaat qiling.
📌Sog‘ligingizga befarq bo‘lmang, faqat tekshirilgan va xavfsiz mahsulotlarni tanlang!
https://t.me/sanepidqom_qarshitum
