BFQ (biologik faol qoʻshimchalar) isteʼmol qilishdan oldin nimalarga eʼtibor berish kerak?

Biologik faol qoʻshimchalar (BFQ) vitamin, mineral, oʻsimlik ekstrakti va boshqa foydali moddalarni oʻz ichiga oladi. Ammo ularni nazoratsiz qabul qilish salomatlik uchun xavf tugʻdirishi mumkin.

Muhim tavsiyalar:

🔹 Shifokor bilan maslahat qiling:
Ayniqsa homiladorlar, emizikli ayollar, bolalar, surunkali kasalligi borlar va doimiy dori ichadiganlar uchun muhim.
🔹 Tarkibini diqqat bilan oʻqing:
Mahsulot ichidagi moddalar sizda allergiya yoki nojoʻya taʼsir chaqirmasligiga ishonch hosil qiling.
🔹 Sertifikat va roʻyxatdan oʻtganligini tekshiring:
Rasmiy tasdiqlangan va ishonchli ishlab chiqaruvchilarning mahsulotini tanlang.
🔹 Yaroqlilik muddatiga qarang:
Muddati oʻtgan BFQ salomatlikka zarar yetkazishi mumkin.
🔹 Dozasini oshirmang:
“Koʻproq ichsam foydasi ortadi” degan tushuncha notoʻgʻri. Ayrim vitamin va minerallarning ortiqcha miqdori zaharlanishga olib keladi.
🔹 Dori vositalari bilan mosligini tekshiring:
Baʼzi BFQlar dorilar taʼsirini kuchaytirishi yoki susaytirishi mumkin.
🔹 Internetdagi har bir reklamaga ishonmang:
“Har qanday kasallikni davolaydi” degan mahsulotlarga ehtiyot boʻling.
🔹 Saqlash qoidalariga amal qiling:
Quyosh nuri, issiq va nam joylarda saqlash mahsulot sifatini buzadi.

Eslatma:
BFQlar dori vositasi emas va toʻgʻri ovqatlanish oʻrnini bosa olmaydi. Eng yaxshi foyda — muvozanatli ovqatlanish, sogʻlom turmush tarzi va shifokor tavsiyasi bilan birga bo‘ladi.

https://t.me/sanepidqom_qarshitum