💉 Vaksinalarning ahamiyati

✅Vaksinalar — bu organizmni xavfli infeksion kasalliklardan oldindan himoya qilish uchun maxsus tayyorlangan biologik preparatlar. Ular sog‘liqni saqlashda eng samarali vositalardan biridir.

💉Vaksinalarning asosiy ahamiyati:

1. Kasalliklarning oldini oladi:
✅Vaksina organizmga zaiflashtirilgan yoki o‘ldirilgan virus/bakteriyalarni tanitadi, natijada immun tizimi uni tanib, unga qarshi kurashish usulini «o‘rganadi». Bu orqali haqiqiy kasallik bilan to‘qnashganda organizm himoyalangan bo‘ladi.

2. O‘lim va asoratlarning oldini oladi:
✅Ko‘plab yuqumli kasalliklar (masalan, qizamiq, difteriya, qoqshol, poliomiyelit) o‘z vaqtida vaksina qilinmasa, jiddiy asoratlar yoki o‘limga olib kelishi mumkin.

3. Immunitet hosil qiladi:
✅Vaksinalar kasallikka chalinmasdan turib, unga qarshi mustahkam immunitet hosil qiladi.

4. Jamoaviy immunitetni ta’minlaydi:
✅Agar jamiyatning katta qismi emlangan bo‘lsa, kasallik tarqalish xavfi kamayadi. Bu orqali emlanmagan (yangi tug‘ilgan chaqaloqlar, ba’zi immuniteti past odamlar) ham himoyalanadi.

5. Iqtisodiy foyda beradi:
✅Davolanishga ketadigan xarajatlarni kamaytiradi, ish va o‘qishdagi yo‘qotishlarni oldini oladi.

6. Ba’zi kasalliklarni butunlay yo‘q qilishga yordam beradi:
✅Masalan:
✅Chechak (ospа) – dunyo bo‘yicha yo‘q qilingan.
✅Poliomielit – ko‘plab hududlarda yo‘qolishga yaqin.

https://t.me/sanepidqom_qarshitum