‼️O’RVIning oldini olish bo’yicha asosiy qadamlar‼️
🔸 Qo’llarni tez-tez yuvish:
•  Qo’llarimizda ko’plab mikroblar mavjud. Shuning uchun, ularni tez-tez sovun va suv bilan kamida 20 soniya davomida yuvish orqali mikroblarni yo’q qilishimiz mumkin. Ayniqsa, jamoat joylaridan keyin, ovqatlanishdan oldin va hojatxonadan keyin qo’llarni yuvish juda muhim.
🔸 Shaxsiy gigiyenaga rioya qilish:
•  Aksirganda yoki yo’talganda og’iz va burunni salfetka yoki tirsak bilan to’sish kasallik tarqalishining oldini oladi. Salfetkani ishlatgandan so’ng uni darhol axlat qutisiga tashlash kerak.
🔸 Yuzni ushlamaslik:
•  Ko’z, burun va og’iz shilliq qavatlari orqali viruslar organizmga kirishi mumkin. Shuning uchun, imkon qadar yuzga qo’l bilan teginmaslikka harakat qilish kerak.
🔸 Kasallar bilan muloqotdan saqlanish:
•  Agar o’zingizni noxush his qilsangiz, uyda qoling va boshqalar bilan muloqotdan saqlaning. Kasal odamlar bilan yaqin aloqada bo’lishdan saqlaning.
🔸 Immunitetni mustahkamlash:
•  To’g’ri ovqatlanish, yetarli uxlash va muntazam jismoniy mashqlar immunitet tizimini mustahkamlaydi. O’z ratsioningizga vitaminlarga boy meva va sabzavotlarni kiriting. Kuniga kamida 7-8 soat uxlashga harakat qiling va muntazam ravishda jismoniy mashqlar bilan shug’ullaning.
🔸 Havo aylanishini ta’minlash:
•  Xonalarni muntazam ravishda shamollatib turish, havo sifatini yaxshilashga va viruslar konsentratsiyasini kamaytirishga yordam beradi.
🔸 Vaksinatsiya:
•  Gripp va boshqa O’RIga qarshi emlashlar o’zingizni va yaqinlaringizni himoya qilishning muhim usullaridan biridir.

https://t.me/sanepidqom_qarshitum